ყოფილმა საფეხბურთო აგენტმა, ხოსეპ მარია მინგელამ Onze-სთან ინტერვიუში დაადასტურა, რომ "ბარსელონაში" დორტმუნდის "ბორუსიას" სუპერფორვარდის, ერლინ ჰოლანდის მოყვანა შესაძლებელია.

"დიახ, ჰოლანდის ტრანსფერი შესაძლებელია. მისნაირი ფეხბურთელის დამატება დიდი ინვესტიციაა.

მოთამაშის წარმომადგენელს უკვე დავეკონტაქტე და ყველა საჭირო დეტალი მაქვს, იმ შემთხვევაში, თუ "ბარსას" ახალი პრეზიდენტი ერლინგის შეძენას გადაწყვეტს." - თქვა მინგელამ.

საინტერესოა, რომ ამ აგენტს სხვადასხვა დროს "ბარსელონაში" მოყვანილი ყავს ისეთი ფეხბურთელები, როგორებიც დიეგო მარადონა, ხრისტო სტოიჩკოვი და რომარიო იყვნენ.

მინგელას სახელს უკავშირდება ბარსელონაში ლეო მესის ჩამოსვლაც.