იტალიური გამოცემა La Stampa-ს ინფორმაციით, იმ შემთხვევაში თუ ზლატან იბრაჰიმოვიჩს "ინტერის" თავდამსხმელი რომელუ ლუკაკუს მიმართ რასიზმის გამოვლინება დაუდასტურდება, 10 მატჩიანი დისკვალიფიკაციით დაისჯება.

შეგახსენებთ, რომ მატჩის პირველი ნახევრის მიწურულს "მილანის" მცველი ალესიო რომანიოლი ლუკაკუზე დაჯარიმდა, რამაც ბელგიელი გააღიზიანა. საბოლოოდ, ყველაფერი იბრას და რომელუ ლუკაკუს კონფლიქტში გადაიზარდა.

აღნიშნულის გამო ფორვარდები თითო მატჩიანი დისკვალიფიკაციით დაჯარიმდნენ და ლუკაკუ "იუვენტუსთან" გასამართ თასის ნახევარფინალს გამოტოვებს.